आपला जिल्हामहाराष्ट्र
वयाच्या ८ व्या वर्षी साद आरिफ सिद्दीकी यांचा पहिला रोजा पूर्ण
आंबेजोगाई : शहरातील साद आरिफ सिद्दीकी यांनी वयाच्या अवघ्या ८ व्या वर्षी आपल्या आयुष्यातील पहिला रोजा पूर्ण केल्याने त्यांच्या कुटुंबात व समाजात आनंदाचे वातावरण आहे. त्यांनी पहिल्यांदाच उपवास ठेवून रोजाच्या शिस्तीचे पालन केल्यामुळे कुटुंबीयांसह नातेवाईक, मित्रपरिवार आणि समाजातील नागरिकांकडून त्यांचे भरभरून कौतुक होत आहे. साद यांना आई-वडील, आजी-आजोबा आणि शिक्षकांकडूनही विशेष प्रोत्साहन मिळाले. लहान वयातच उपवासाचे महत्त्व समजून त्यांनी हा निर्णय घेतला, ही अभिमानाची बाब असल्याचे त्यांचे कुटुंबीय सांगतात. त्यांच्या या धार्मिक निष्ठेचे आणि सातत्याचे कौतुक करत अनेकांनी त्यांना शुभेच्छा दिल्या. साद आरिफ सिद्दीकी यांना समाजातील मान्यवरांसह मित्रपरिवाराने विशेष सन्मान देत पुढील जीवनासाठी शुभेच्छा दिल्या आहेत. त्यांच्या या पहिल्या रोजाने समाजात सकारात्मक संदेश पसरवण्याचे काम केल्याचे मत व्यक्त होत आहे.
