सीमावर्ती भागातील नव मतदार विद्यार्थी नोंदणी मध्ये मातोश्री गुरुबसव्वा कल्याणशेट्टी महाविद्यालय अव्वल……!

अक्कलकोट: सीमावर्ती भागातील महाविद्यालय स्तरावर 18 वर्षे पूर्ण झालेल्या नव मतदार विद्यार्थ्यांच्या नोंदणी अभियानात मातोश्री गुरुबसव्वा कल्याणशेट्टी महाविद्यालयाने अव्वल स्थान संपादन केले आहे. त्याबद्दल राज्याचे मुख्य निवडणूक अधिकारी  श्रीकांत देशपांडे व सोलापूरचे जिल्हा अधिकारी कुमार आशीर्वाद यांनी नुकतेच महाविदयालयास प्रशस्तीपत्र देऊन सन्मानित केले आहे. सन्मान स्वीकारताना प्राचार्य डॉ. राजेंद्रसिंह लोखंडे व नोडल ऑफिसर प्रा. राजशेखर पवार हे उपस्थित होते.

महाविद्यालयाने विद्यार्थ्यांमध्ये मताधिकार, लोकशाही संबंधी केलेली जागृती, यासाठी राबवलेले नाविन्यपूर्ण उपक्रम, तसेच नव मतदार नोंदणीत उत्कृष्ट कार्य केल्यामुळे मिळालेल्या पुरस्काराबद्दल महाविद्यालयाचे प्राचार्य व संपर्क अधिकारी व सर्व शिक्षकांचे संस्थेचे अध्यक्ष  आमदार सचिन दादा कल्याणशेट्टी,संचालिका शांभवी कल्याणशेट्टी, संस्थेचे जेष्ठ संचालक मल्लिनाथ कल्याणशेट्टी, संचालक मल्लिनाथ मसूती, सौ पूनम कोकळगी, सौ रुपाली शहा,मुख्याध्यापक मलकप्पा भरमशेट्टी यांनी अभिनंदन केले आहे.