*श्री मार्कंडेय सोशल फाउंडेशन* आणि *पद्मशाली सप्तपदी* तर्फे *’पौरोहित्य’ वर्गाचे* आयोजन…..!

सोलापूर :-पहाटे उठल्यापासून ते रात्री झोपेपर्यंत कुठले मंत्र म्हणायचे.? दररोजचे पूजाविधी कश्या पध्दतीने केले पाहिजे.? स्पष्टपणे उच्चार करणे, योग्य कृती (पध्दती) आणि भावना महत्वाचे असतात. आज प्रत्येक कुटुंबात जवळपास महिलाच पूजाविधी करत असतात, योग्यरित्या केल्याने मानसिक समाधान मिळतो. आजकाल अनेकजण गडबडीत पूजाविधी करतात, त्यामुळे विनाकारण *’शंका’* निर्माण होतात. पूजाविधी करताना ‘मंत्रोच्चार’ करणेही महत्वाचे आहेत, असे मत पौरोहित्य प्रशिक्षिका डॉ. अपर्णा कल्याणी यांनी व्यक्त केल्या आहे.

चैत्र एकादशीचे औचित्य साधून सोलापूरातील श्री मार्कंडेय सोशल फाउंडेशन आणि पद्मशाली सप्तपदीच्या वतीने फक्त समस्त महिलांसाठी विनामूल्यपणे याचे आयोजन सिध्देश्वर पेठेतील पद्मशाली ज्ञाती संस्थेच्या श्री मार्कंडेय मंदिरात केले होते. प्रारंभी चिरंजीव महर्षि मार्कंडेय महामुनींच्या प्रतिमेचे पूजन जिल्हा सरकारी वकील प्रदीपसिंग रजपूत, पौरोहित्य प्रशिक्षिका डॉ. अपर्णा कल्याणी, माजी महापौर जनार्दन कारमपूरी, ज्ञाती संस्थेचे विश्वस्त रामचंद जन्नू, पश्चिम महाराष्ट्र पद्मशाली संघमचे सचिव गणेश पेनगोंडा, फाउंडेशनचे उपाध्यक्ष श्रीनिवास कामूर्ती, सल्लागार सुकुमार सिध्दम, पुरोहित राघवेंद्र आरकाल, सुधीर सोमा, श्री मार्कंडेय जनजागृती संघटनेचे विश्वस्त श्रीनिवास रच्चा, कार्याध्यक्ष किशोर व्यंकटगिरी, हरिप्रसाद बंडी, संदीप क्षीरसागर यांच्या हस्ते करण्यात आले होते.

डॉ. कल्याणी पुढे म्हणाल्या, काहीजण आज वर्षातील सणावार पूजेला ब्राम्हणांना (पुरोहित) बोलावून पूजाविधी केली जात आहेत. त्यामुळे त्याचे फलीत आपल्याला मिळते का.? सणासुदीला पूजापध्दती याचबरोबर भगवंतांला अगरबत्ती, धूप आणि पंचारती करताना कुठले मंत्र म्हणायचे.? यालाही महत्व आहे. त्याचे शिक्षणही देणार असल्याचे म्हटले आहे. तसेच नवरात्रोत्सव दुर्गासप्तशती, दिपावलीत महालक्ष्मी पूजा, तुळसीपूजा, भगवद् गीता यासह अनेक महत्त्वाच्या पूजाविधीचे प्रशिक्षण देणार असल्याचे सांगितले आहे. गेल्या एक वर्षांपासून फाउंडेशनचे संस्थापक अध्यक्ष गौरीशंकर कोंडा यांनी पौरोहित्य वर्गासाठी पाठपुरावा आणि प्रयत्नशील होते. याकामी डॉ. अपर्णा कल्याणी ह्या उपस्थित महिलांना ‘मोफतपणे’ पौरोहित्याचे प्रशिक्षण देत आहेत. अंदाजे अडीच ते तीन महिन्यांपर्यंत हा पौरोहित्य वर्ग चालू असणार आहे. पौरोहित्य शिकण्यासाठी पुणे येथून एक महिला खासकरुन दर रविवारी होणा-या वर्गात सहभागी होत आहे. सिध्देश्वर पेठेतील श्री मार्कंडेय मंदिरात दर रविवारी संध्याकाळी ५ ते ७ यावेळेत पौरोहित्य शिकण्यासाठी तब्बल ६० पेक्षा जास्त महिला सहभागी झाल्या आहेत