ताज्या घडामोडी
तळेगावमध्ये चोरट्यांनी घातलाय धुमाकूळ, वेगवेगळ्या टोळ्या सक्रिय.
याबाबत पोलीस प्रशासनाने दखल घ्यावी, व अशा चोरट्यांना जेरबंद करावे, अशा प्रकारची मागणी नागरिक करीत आहे.
तळेगावमध्ये चोरट्यांनी घातलाय धुमाकूळ, वेगवेगळ्या टोळ्या सक्रिय.
आवाज न्यूज : तळेगाव दाभाडे ४ जानेवारी २०२३.
तळेगाव दाभाडे येथे पाणी मीटर चोरणारी टोळी सक्रिय झाली आहे. तळेगाव स्टेशन भागातील वतन नगर, वनश्री नगरमध्ये आठ ते नऊ ठिकाणचे पाणी मीटर चोरीस गेले असल्याचे आढळून आले आहे. संबंधितांनी तळेगाव नगरपरिषदेला याबाबत माहिती दिली आहे.
मीटर चोरीस गेल्याने नवीन मीटर बसवण्यासाठी अर्थिक भुर्दंड नागरिकांना सोसावा लागत आहे. तसेच या परिसरात पार्किंगमध्ये असणाऱ्या दुचाकी वाहनांतील पेट्रोल चोरीचे प्रमाणही वाढले आहे.
तळेगाव मध्ये भुरट्यांचा वावर वाढला असुन मोबाईल चोऱ्या, किराणा मालाचे दुकान फोडणे, मंदिरातील दानपेट्या चोरणे, चैन स्नॅचिंग, भविष्यात वाहनेही चोरीस जाण्याची शक्यता नाकारता येत नाही. याबाबत पोलीस प्रशासनाने दखल घ्यावी, व अशा चोरट्यांना जेरबंद करावे, अशी नागरिकांची मागणी आहे.
