राजाभाऊ सोनकांबळे यांना राज्यस्तरीय “उत्कृष्ट कामगार सेवा ” पुरस्कार जाहीर…..!

सोलापूर :- आरक्षण हक्क कृती समिती, सोलापूर जिल्ह्याचे समन्वयक, कास्ट्राईब राज्य परिवहन कर्मचारी संघटनेचे विभागीय सरचिटणीस, रिपब्लिकन एम्प्लॉईज फेडरेशन, सोलापूर जिल्हा प्रमुख डॉ.बाबासाहेब आंबेडकर उद्यान व संविधान भवन कृती समितीचे कार्याध्यक्ष तसेच ” राज्य सरकारी कर्मचारी मध्यवर्ती संघटना ” सोलापूर जिल्ह्याचे सरचिटणीस या जबाबदार पदावर नुकतीच बहुमतानी बिनविरोध निवड झालेले अभ्यासु व अनुभवी नेते राजाभाऊ सोनकांबळे यांना ” आधार फाऊंडेशन ” सोलापूर, यांच्यावतीने देण्यात येणारा राज्यस्तरीय ” उत्कृष्ट कामगार सेवा ” पुरस्कार नुकताच जाहीर झालेला आहे. राजाभाऊ सोनकांबळे यांची सामाजिक असलेली बांधिलकी , विविध क्षेत्रात उल्लेखनीय केलेले कार्य आणि विविध प्रकारची दखलपात्र अशी केलेली अनेक कामे केलेली असुन शहर जिल्ह्यात आणि जिल्ह्याच्या बाहेरील असलेली अनेक सर्व शासकीय, निमशासकीय कार्यालये , विविध महामंडळे अशा अनेक क्षेत्रात कार्यरत असलेल्या कामगारांचे प्रश्न सोडविसाठी सातत्याने न्यायिक झगडा करत त्यांचे प्रश्न मार्गी लावून कर्मचाऱ्यांना न्याय मिळवून देण्याचे काम राजाभाऊ सोनकांबळे हे सातत्याने करीत असल्याने त्यांची दखल “आधार फाउंडेशनने ” घेतल्याने त्यांना चालु वर्षे सन 2023 – 24 रोजीचा हा पुरस्कार जाहीर करण्यात आलेला आहे. आधार फाउंडेशन सोलापूर यांच्या वतीने दरवर्षी देण्यात येणारा हा राज्यस्तरीय ” उत्कृष्ट कामगार सेवा ” पुरस्कार राजाभाऊ सोनकांबळे यांना रविवार दि.26 नोव्हेंबर 23 रोजी सायं.05 वाजता सोलापूर येथील शिवस्मारक सभागृहामध्ये थोर साहित्यिक व ज्येष्ठ विचारवंत अशा मान्यवरांच्या उपस्थितीमध्ये बहाल करण्यात येणार आहे.राजाभाऊ सोनकांबळे यांना हा पुरस्कार जाहीर झाल्यामुळे राज्य सरकारी कर्मचारी मध्यवर्ती संघटनेच्या वतीने तसेच सोलापूर शहर जिल्ह्यातील फुले, शाहू , आंबेडकरवादी अनेक विविध सामाजिक संघटना, राजकीय पक्ष यांच्या प्रमुख नेत्यांनी राजाभाऊ सोनकांबळे यांचे अभिनंदन करीत शुभेच्छाचा सर्व स्तरावरून वर्षाव होत आहे.